Tirana humbi mundësinë e turit të dytë në Champions League, duke u kaluar në dy ndeshje nga Duddelange. Shorti i sotëm i UEFA ka vënë përballë fituesin e çiftit Pyunik / Duddelange kundër Crvena Zvezda.
Nëse Tirana do kualifikohej për më tej në turin e dytë dhe kalonte Pyunik, bardheblutë do përballeshin me kampionët e Serbisë. Kundër Crvena Zvezda nuk është një histori e panjohur për Tiranën.
Dy sezone më parë ishin serbët që me anë të një goli fitonin në Air Albania, duke eleminuar Tiranën nga Champions League. Kujtojmë se asokohe për shkak të pandemisë së covid, ndeshjet zhvilloheshin me një takim.
Kështu, Tirana i ka hequr mundësinë vetës që veç milionave nga UEFA të kishte edhe një mundësi “hakmarrjeje” kundër Crvena Zvezda, nëse kalonte më tej.
