Elbasani po mundohet të ndërtojë një skuadër kompetitive për sezonin e ri në Kategorinë e Parë, me presidentin Laze që po kërkon të luftojë për një ngjitje të mundshme në Superligë.
E natyrshëm që kjo mund të arrihet më lehtë duke u përforcuar me lojtarë që aktualisht janë pjesë e elitës. Për këtë mësohet se gjatë kohës që Partizani ndodhej në Elbasan me fazë përgatitore, kreu i verdhebluve është takuar me drejtorin e përgjithshëm të të kuqve Olsi Rama, për mundësinë e huazimit të ndonjë lojtari për sezonin e ardhshëm. Sipas informacioneve nuk është diskutuar për emra konkretë, duke e lënë këtë në dorë të stafit teknik për ditët e ardhshme.
Nga ana tjetër presidenti Laze është takuar edhe me homologun e tij korçar Ardjan Takaj për të njëjtin qëllim, me Elbasanin që pritet që në ditët në vijim të përforcohet me lojtarë nga këto dy ekipe të Superligës.
Lexo gjithashtu
