El Clasico është rikthyer, ditën e nesërme (16 tetor) në fushën e blertë do të zbresin dy rivalët me të fortë të La Ligas, Real Madrid dhe Barcelona. Sfida e vlefshme për javën e 9 të kampionatit spanjoll shikon madrilenët si pritës në këtë takim i cili do të startojë në orën 16:15.
Carlo Anceloti ka folur rreth takimit, duke folur me shumë qetësi rreth kundërshtarit dhe duke e cilësuar si një takim të zakonshëm. Tekniku i madrilenëve nuk ka harruar të permend stilin e tyre të lojës të cilën nuk e vlerson aq shumë.
Carlo Ancelotti:
“Ne po përgatitemi në të njëjtën mënyrë si bëjmë çdo sfidë tjetër. Në këtë rast është shtuar faktori i tëifozerisë pasi e shikojnë si një ndeshje të veçantë. Duhet të keni parasysh gjithashtu cilësinë që kanë të dyja skuadrat, të cilat janë të dyja skuadra të shkëlqyera. Ndeshjet El Clasico, ashtu si ndeshjet derbi, janë të veçanta dhe ju keni presionin e shtuar, aspektin emocional dhe dëshirën për të performuar dhe gjithçka tjetër që rrethon një lojë si kjo.
Ata janë të qartë për historinë e tyre dhe vazhdojnë me një stil që i pëlqen tifozëve dhe klubit. Është një ide që u ka dhënë sukses që vazhdojnë ta shijojnë. Klubet e tjera kanë një ide ndryshe. Mendoj se të kesh vetëm një stil nuk është më e përshtatshme sepse ndonjëherë lojtarët ndryshojnë. Ka të bëjë me kërkimin e një ideje në të cilën lojtarët ndihen rehat.
Courtois është shumë i mirë, por është e vërtetë që ai është stërvitur shumë pak, për këtë do të shohim ndeshjen e radhës.
Rudiger është mirë, ai nuk ka asnjë shqetësim, është një luftëtar dhe i gatshëm me shumë entuziazëm për takimin e tij të parë në El Clasico”.
Lexo gjithashtu
