Argjentina e shumë yjeve në ekip nuk arriti të mposhtë Kilin në finalen e mbrëmshme në ‘’Copa America’’. Nga pika e bardhë e 11-metërshave fituesi i Topit të Artë për katër herë, Mesi, u tregua i pasaktë duke i mohuar Argjentinës një sukses të shumëpritur.
Pas ndeshjes së mbrëmshme Mesi ka vendosur të mos luajë më për ekipin kombëtar. Pavarësisht sukseseve të tij të panumërta me fanellën e Barcelonës ai në Argjentinë do të mbetet një nga dështakët më të mëdhenj të historisë. Mesi është vetëm 29 vjeç në kulmin e karrierës por vendos të lëjë Kombëtaren.
Por Mesi nuk do të jetë i vetmi, janë një listë lojtarësh që shumë shpejt mund të largohen nga Argjentina. Sergio Aguero një tjetër yll në përfaqësuesen argjentinase e ka konfirmuar lajmin dhe ka paralajmëruar largime të tjera.
“Unë dhe disa lojtarë të tjerë jemi duke menduar të pensionohemi nga ekipi Kombëtar. Kjo humbje ka qenë më e dhimbshme sesa humbja në Kupën e Botës në Brazil”, është shprehur Aguero.
Lista e lojtarëve plotësohet nga Angel Di Maria, Lavezi, Banega, Lucas Biglia, Mascherano.
Argjentina do të vuajë edhe mungesën e lojtarëve përveç trishtimit për humbjen e Kupës.
Lexo gjithashtu
