Kompania që menaxhon ndeshjet e Partizanit "Blinibileta.com" do të marrë përsipër mbarëvajtjen e sfidës kundër Vllaznisë në "Selman Stërmasi".
Ai që zbulon një gjë të tillë është përgjegjësi i kompanisë që menaxhon ndeshjet e 15 herë kampionëve të Shqipërisë.
I kontaktuar nga newsport.al, Ervis Hila shprehet: "Ne kemi qenë gjithnjë të gatshëm për të mbuluar dhe për të siguruar mbarëvajtjen e ndeshjeve të futbollit me forcat e policisë private që ka në disponim kompania jonë.
Ne sigurojmë mbarëvajtjen e sfidës së Partizanit kundër Vllaznisë brenda perimetrit të stadiumit 'Selman Stërmasi'. Në fakt, policia e shtetit nuk merr përsipër të sigurojë rrugët e kryeqytetit për këtë takim, por nëse tifozët vijnë deri te dyert e stadiumit, nga ana e kompanisë sonë ekziston gjithë kapaciteti dhe përvoja për të siguruar rendin dhe qetësinë publike të takimeve të futbollit", shprehet për newsport.al, Ervis Hila, përgjegjësi i kompanisë që menaxhon ndeshjet e 15 herë kampionëve të Shqipërisë.
I pyetur nëse sigurohet rendi edhe në sektorët e brendshëm të stadiumit në tribunat ku do të qëndrojnë tifozët, përmes stjuartëve, Hila shprehet i bindur se: "Po! Kemi kapacitetin për një gjë të tillë".
Lexo gjithashtu
