Në muajin dhjetor të vitit të shkuar të gjitha skuadrat që merrnin pjesë në Kategorinë Superiore duhet që të plotësonin dokumentacionin e nevojshëm që në rast pjesëmarrje në Champions apo Europa League të ishin gati për këto kompeticione. Së pari kërkohej stadiumi ku do të luheshin takimet në rast kualifikimi dhe së dyti i gjithë buxheti vjetor i të ardhurave të klubit.
[caption id="attachment_7157" align="alignleft" width="300"]
Stadiumi "Niko Dovana" Durrës[/caption]
Ajo që na intereson për momentin janë stadiumet ku do të luhen takime. Shqipëria për momentin ofron pak impiante që pranohen nga UEFA, kështu që zgjidhja duhet të jetë e shpejtë. Problem dhe përplasje krijohet vetëm mes Partizanit dhe Kukësit, skuadra që nuk kanë ende një stadium brenda standarteve që kërkon UEFA, ndaj ato do të luajnë në “Elbasan Arena”.
Sa i përket dy skuadrave të tjera, Skënderbeut dhe Teutës, çështja është e zgjidhur. Stadiumi “Niko Dovana” plotëson kriteret, ndërsa edhe ai “Skënderbeu” në Korçë pranon sfida të Raundit të Dytë Eliminator. Sipas marrëveshjes së arritur, pra për të mos pasur përplasje për luajtjen e ndeshjeve të Turit të Parë Eliminator, Partizani do të ndeshet me Slovan Bratislavën në fushën e këtij të fundit në ndeshjen e parë, ndërsa Kukësi do të presë malazezët e Rudar më 30 qershor në “Elbasan Arena”.
[caption id="attachment_7158" align="alignleft" width="300"]
Stadiumi "Skënderbeu"[/caption]
Por, nëse këto skuadra do të kualifikohen në një raund më lartë, atëherë çështja do të komplikohet. I vetmi stadium që plotëson kriteret për një gradë më lartë është “Elbasan Arena”, por kush do të luajë më parë aty. Kështu, FSHF-së i duhet që të punojë me ritme të shpejta për vënien në punë të “Loro Boriçit”, por edhe në “Selman Stërmasi”, ku ky stadium duhet që të marrë dhe dorën e fundit për të qenë plotësisht gati për ndeshjet ndërkombëtare, pasi ka ende punë për t’u bërë me pjesën e jashtme të tij, pasi në atë të brendshmen çdo gjë është e barabartë me stadiumin e Elbasanit.
[caption id="attachment_7159" align="aligncenter" width="770"]
Stadiumi "Sleman Stermasi"[/caption]
Lexo gjithashtu
