FSHF ka bërë zyrtare anxhendën për sfidën finale të Kategorisë së Dytë, mes Egnatias dhe Naftëtarit.
Kjo ndeshje do të luhet më datë 18 maj (e enjte) në orën 16:00 në stadiumin e qytetit të Durrësit, "Niko Dovana".
Kategoria e Dytë do të luajë këtë të dielë, javën e fundit të sezonit, për t'i dhënë fund kampionatit për këtë edicion.
Egnatia dhe Naftëtari janë skuadrat që do të marrin pjesë në Kategorinë e Parë sezonin e ardhshëm, pasi kanë siguruar pikët e nevojshme duke u renditur në vendet e para në grupet respektive.
Egnatia vjen në këtë finale si fituese e Grupit A të Kategorisë së Dytë, ndërsa Naftëtari si ekipi që u rendit i pari në Grupin B.
Përballja mes këtyre dy skuadrave që do të luhet të enjten e ardhshme në Durrës do të përcaktojë skuadrën kampione të Kategorisë së Dytë.
Lexo gjithashtu
