Ka ndërruar jetë rekordmeni i Botërorit me Francën. Just Fontaine u nda nga jeta në moshën 89-vjeçare. Një futbollist që të gjithë sportdashësit e kujtojmë si lojtari i vetëm që ka arritur të shënojë 13 gola në 6 ndeshje me kombëtaren e Francës në një Kupë Botë. Ishte viti 1958 dhe në Kupën e Botës në Suedi triumfoi Brazili i Pele, i cili ishte vetëm 18 vjeç. Ai është i katërti në listën e golashënuesve të të gjitha kohërave të Kupës së Botës së bashku me argjentinasin Lionel Messi. Ai e kaloi pjesën më të madhe të karrierës së tij në klub në Stade de Reims, ku shënoi 145 gola në 152 paraqitje, duke fituar tre tituj të Ligue 1 dhe duke arritur në finalen e Kupës Evropiane të vitit 1959, ku humbën ndaj një skuadre të Real Madridit që përmbante Alfredo di Stefano dhe Ferenc Puskas. Fontaine gjithashtu luajti për Nice dhe skuadrën marokene USM Casablanca, por u detyrua të tërhiqej në vitin 1962 në moshën vetëm 28 vjeç, pasi pësoi një frakturë të dyfishtë të këmbës. Si trajner u ul në stolin e PSG që nga 1973 deri në 1976. Fontaine ishte trajner i kombëtares së Marokut nga 1979 në 1981, teksa drejtoi dhe kombëtaren franceze, por vetëm me rastin e dy miqësoreve.

Légende du football français, l'ancien attaquant de Reims et des Bleus Just Fontaine est mort à l'âge de 89 ans. https://t.co/0eduzebs7r pic.twitter.com/OmHJBDegP6

— L'ÉQUIPE (@lequipe) March 1, 2023