Pandemia e Coronavirusit ka paralizuar gjithë botën, ndërsa tashmë s’mund të flitet për futboll. Sporti më i ndjekur në botë është ndalur, por jo në gjithë globin pasi ka ende vende që vazhdojnë aktivitetin e tyre. Bjellorusia, Nikaragua, Taxhikistani si dhe Burundi nuk e kanë ndalur futbollit. Ndërkohë në Burundi sezoni do të përfundonte në muajin maj, ashtu siç ishte parashikuar në program.
Por, së fundmi mësohet se presidenti i Federatës së Futbollit të Burundit, Reverien Ndikuriyo ka njoftuar shtyrjen e disa takimeve pasi në disa stadium do të organizohen mitingje për zgjedhjet presidenciale. Ato janë planifikuar të mbahen në 20 maj dhe kësisoj edicioni do të përfundojë pas muajit maj. Deri tani janë zhvilluar 27 javë, ndërsa kanë mbetur edhe 3 javë të tjera për t’i vënë kapak këtij edicioni në vendin afrikan.
Lexo gjithashtu
