Maroku ishte një nga surprizat më të bukura të Kupës së Botës. Shumë lojtarë të kësaj kombëtare nxorën vlerat e tyre në sytë e gjithë botës, teksa ofertat vërshuan lumë për ta. Tashmë skuadrat që kishin lojtarët në gjirin etyre “fërkuan duart” por rasti i Selim Amallah nuk është i tillë.
Marokeni është përjashtuar nga skuadra Standard Liege, pasi lojtari nuk ka pranuar rinovimin me të tijë, me kontratën aktuale që përfundon në vitin 2023.
“Kemi vendosur të dërgojmë Selim Amallah dhe tre lojtarë të tjerë te moshat. Nuk do të bëjmë asgjë për të rritur vlerën e lojtarëve që do të largohen falas. Ne nuk do të bëjmë punën e pistë për skuadrat e tjera. Gjëja më e lehtë do të ishte t’i linim të luajnë, por do të bëhej një sinjal i rrezikshëm. Të pranosh që mund të vazhdosh të luash dhe pastaj të largohesh falas do të ishte vdekja e klubi,” ka theksuar Pierre Locht, president i Standardit.
Lexo gjithashtu
