Kombëtarja spanjolle rrezikon të përjashtohet nga Kupa e Botës, sipas një letre që FIFA i ka dërguar federatës spanjolle të futbollit.
Shkak është bërë ndërhyrja e qeverisë spanjolle në zgjedhjet për kreun e federatës spanjolle, çka FIFA e ka konsideruar si të patolerueshme dhe i ka dërguar një letër kërcënuese.
Fedetara spanjolle e futbollit e ka pranuar ekzistencën e një letre të tillë.
RFEF aktualisht udhëhiqet nga Juan Luis Larrea i cili është i përkohshëm në këtë post, pasi ish presidenti i Angel Maria Villar u detyrua të largohej për shkak të akuzave për korrupsion.
Sipas gazetarit sportiv Richard Martin, FIFA ka kërcënuar Spanjën me përjashtim nga Kupa e Botës, nëse "qeveria nuk ndalon së ndërhyri në federatë".
Nëse Spanja do të përjashtohej nga Botërori, Italia do ta zëvendësonte atë.
Lexo gjithashtu
