Përplasja midis ish-presidentit të Republikës Bujar Nishani dhe trajnerit të Kombëtares së Shqipërisë Christian Panuçi ka ngjallur interes të madh në opinionin publik shqiptar. Ish-kreu i shtetit foli për herë të parë për konfliktin verbal në distancë me trajnerin kuqezi në emisionin e moderatorit Roland Qafoku "Debati" në kanalin "Channel One".
"Unë po pres të njihem me padinë sepse nuk e kam marrë ende. Jam njohur me këtë çështje vetëm nga mediat. Patjetër që unë do të respektoj procesin dhe ligjet e shtetit tim dhe të vendit tim, do ta ndjek me seriozitet në gjykatë procesin. Do marr avokat. Nëse flasim për edukatë apo shpërthime emocionale, nëse do klikonit në internet dhe do shikonit fjalorin që përdor zotëria, është një fjalor që shokon çdo familje dhe çdo fëmijë. Kam shprehur një opinionin tim, dhe nuk kam pasur për synim ta fyej personalisht", u shpreh ish-presidenti Nishani.
Lexo gjithashtu
