Futbollistët e Cardiffit i ka zënë paniku nga zhdukja e futbollistit Emiliano Sala, aq sa disa prej kanë frikë të udhëtojnë me avion. Këtë fakt e ka zbuluar qendërmbrojtësi i skuadrës Sol Bamba, i cili rrëfen se në ndihmë të lojtarëve trajneri i Cardiffit u ka ofruar ndihmën e psikologut.
“Është shumë e vështirë të përshkruash se si ndihen lojtarët. Është një situatë e pazakontë, një tragjedi e madhe. Të gjithë jemi prekur nga jo situatë, shokët e ekipit, qyteti, i gjithë klubi.
Kemi marrë ndihmë. Ne zakonisht udhëtojmë me avion, por disa lojtarë kanë frikë të hipin. Trajneri na ka ofruar ndihmën e psikologut nëse do të kemi nevojë dhe besoj se disa prej djemve kanë nevojë”, shprehet për mediat e huaja 34-vjeçari Bamba.
Ditën e sotme u gjetën dy sedilje avioni në gadishullin Cotentin, të cilat dyshohen se i përkasin avionit që transportonte sulmuesin argjentinas Emiliano Sala në datën 21 janar nga Franca drejt Mbretërisë së Bashkuar.