Një episod i pazakontë dhe që nxjerr më shumë në pah dështimin e Katarit në organizimin e kampionatit botëror është shpërndarë në rrjetet sociale, teksa ka bërë bujë të madhe në mediat ndërkombëtare. Gazetari danez i TV2, Rasmus Tantholdt, gjatë një lidhjeje televizive, është kërcënuar nga disa zyrtarë të Katarit të cilët i kanë kërkuar që të fikë kamerën, edhe pse ndodhej në një vend publik dhe pavarësisht akreditimit të rregullt.  Gjatë transmetimit live njëri nga zyrtarët lëvizi kamerën në përpjekje për ta kapur atë, duke inkuadruar edhe persona të tjerë. Gjithmonë i njëjti person më pas vendos dorën në objektiv, duke errësuar çdo imazh. "Ti e ftove të gjithë botën të vijë këtu, pse nuk mund të filmojmë? Është një vend publik", dëgjohet të ketë thënë Tantholdt, të cilit, pavarësisht se tregoi lejen e tij, iu mohua në mënyrë të pabesueshme leja për të filmuar, ndërsa zyrtari vazhdon të sabotojë shërbimin ndërkohë, në mënyrë efektive duke kërcënuar se do të thyente kamerën. Episodi u përhap në internet duke shkaktuar shqetësim të mëtejshëm në Katar. Raportohet se TV2  ka pranuar një falje zyrtare  nga Zyra Ndërkombëtare e Mediave të Katarit dhe Komiteti Suprem i Katarit.

 

View this post on Instagram

 

A post shared by Rasmus Tantholdt (@rasmustantholdt)