Portieri i Lazios, Thomas Strakosha është duke I shijuar nga stoli ndeshjet e skuadrës së tij. Vendin e titullarit tanimë e ka marrë portieri 38 vjeçar, Pepe Reina. Spanjolli kampion bote ka një të shkuar të lavdishme, duke luajtur me disa nga klubet më të titulluara në Europë.
Për këtë gjë, ka folur edhe trajneri i Lazios, Simone Inzaghi. Pas ndeshjes ku skuadra e tij fitoi 2-0 me Napolin, trajneri është shprehur se gaboi në aktivizimin direkt të Strakoshës pas kthimit nga karantina e Covid-19, teksa momenti i tij do të vijë.
"Reina po paraqitet shumë mirë. Në të njëjtën kohë kam edhe Strakoshën, i cili kaloi koronavirusin dhe nuk është stërvitur për 20 ditë radhazi. Gabova që e aktivizova sapo u rikthye, duhet të kisha pritur edhe pak.
Momenti i Thomas do të vijë, ai na ka dhuruar paraqitje të shkëlqyera 4 vitet e fundit. Në këto momente nuk mund të lë mënjanë Reinan, e meriton të jetë mes shtyllave me atë që po bën", tha Inzaghi.
Lexo gjithashtu
