Ennur Totre do largohet nga klubi i Tiranës për t’u bërë pjesë e Vorskla Poltava. Klubi ukrainas ka arritur të fitojë kartonin e mesfushorit për 250 mijë euro bashkë me 50 mijë euro të tjera që do jenë bonuse, tregon “Supersport”.
Bardheblutë kështu kanë arritur akordin për të shitur yllin e mesfushës. Kujtojmë se ndeshjen e fundit me Zrinjskin nuk u aktivizua si titullar, por mori minuta në pjesën e dytë. 25-vjeçari pritet të fitojë rreth 180 mijë euro në sezon dhe kontrata e firmosur do jetë 3-vjeçare.
Totre ishte ndër lojtarët kyç që çuan Tiranën drejt titullit të 26-të kampion sezonin e fundit, teksa tashmë do e shohim në Ukrainë. Situata e luftës në Ukrainë ka bërë që kampionati të zhvillohet në kufi me Poloninë, ndërsa në rast se do ketë përshtjellim të situatës, atëherë do vazhdojë në Poloni.
Lexo gjithashtu
