Jude Bellingham mund të nënshkruajë një kontratë të re me Borussia Dortmund. Anglezi kërkohet me ngulm në Premier League prej kohësh nga Liverpool dhe Manchester United. Gjithashtu interesim për të ka patur edhe nga Real Madrid. 19 vjeçari është bërë një nga mesfushorët më të kërkuar në Europë pas paraqitjeve të tij dy sezonet e fundit me Dortmund. Ata renditen momentalish të parët në Bundesligë me pikë të barabarta me Bayern.
Bellingham është një nga lojtarët kyç të paraqitjeve të mira të verdhezinjve në kampionat dhe Champions League, ku mundën Chelsea ndeshjen e parë 1-0. Megjithëse mesfushori kërkohet me ngulm nga klube prestigjoze që janë të gatshme japin shifra të mëdha për të, Dortmund është e gatshme ta mbajë në skuadër “xhevahirin” e saj. Bellingham i skadon kontrata në 2025, por drejtuesit mund t’i ofrojnë anglezit një kontratë të re për të mbajtur sa më gjatë atë në “Signal Iduna Park”.
Lexo gjithashtu
