Franca do të përballet me Argjentinën ditën e nesërme në finalen e madhe të Kupës së Botës. Në konferencën për shtyp kapiteni Hugo Lloris ka folur mbi situatën e ekipit.
Lloris nuk la pa përmendur dhe Messin, por theksoi se kjo ndeshje nuk është vetëm kundër tij por gjithë Argjentinës.
Deklarata:
Argjentina: "Është më e lehtë të thuash se janë të organizuar, mirë në mbrojtje, mirë në sulm, të mirë në tranzicion dhe presion ndaj atij që ka topin. Ata dinë të përfitojnë nga gabimet dhe kanë pasur gjithmonë lojtarë të mëdhenj. Simbole janë legjenda Maradona dhe tani Messi. Si francez, të luash një finale të Kupës së Botës është një sfidë e madhe, le të shpresojmë që të fitojmë rrugën tonë”.
Shumë përkrahje për Messin: "Pak e besuan se do të arrijmë në finale dhe do të bëjmë gjithçka për të fituar. E dimë se çfarë përfaqëson Messi në historinë e këtij sporti, por kjo është një ndeshje mes Argjentinës dhe Francës. Ata janë shumë konkurrues dhe gjithashtu do të bëjnë gjithçka për të fituar”.
Situata në dhomat e zhveshjes: "Kjo është histori e të kaluarës, megjithëse jam krenar. Ne duam të vazhdojmë të bëjmë histori dhe gjëja më e vështirë mbetet për ne. Duhet të jemi të përgatitur për të vuajtur. Pavarësisht nga pengesa që na sjell virusi, ne kemi për të përfunduar punën e nisur”.
Çelësi i Francës kundër Argjentinës: "Gjendja jonë shpirtërore. Ne do të përgatitemi për këtë betejë të fundit".
Francë që qëndron në prapavijë: "Në Kupën e Botës duhet të dish të vuash dhe të menaxhosh, është e vështirë të kesh gjithmonë topin sepse ka rivalë të mëdhenj si Anglia dhe Maroku. Ka raste kur nuk je i përgatitur dhe Gjithçka ndodh për shkak të asaj ndjenje dhe asaj ndjesie që ju do ta kapërceni atë. Ne e dimë se kemi një kundërvënie të mirë. Forca e këtij ekipi është se ai përshtatet me të gjitha skenarët."
Lexo gjithashtu
