Duket e pabesueshme, por është e vërtetë. Thomas Strakosha është njëri prej kandidatëve për të zëvendësuar portierin e Interit Samir Handanovic. Sllovenit i përfundon kontrata në qershor të 2021, por klubi zikaltër ka nisur që tani të vihet në punë për të gjetur pasuesin e veteranit.
Sipas medias spanjolle “fichajes.net” në garë janë Alphonse Areola i PSG-së, Andre Onana i Ajaxit dhe Strakosha. Paraqitja në rritje graduale e 23-vjeçarit në sezonet e fundit me Lazion ka zgjuar interesimin e Interit që ka nisur ta studiojë shqiptarin.
