Manchester United e ka nisur keq kampionatin, ku vetëm në 4 ndeshje ka grumbulluar vetëm 6 pikë, dy fitore dhe dy humbje. Kjo situatë duket se nuk po i kënaq aspak drejtuesit e skuadrës dhe menjëherë janë vënë në lëvizje për të gjetur një tjetër trajner.
Sikurse raporton prestigjozja “Bild”, 20 herë kampionët e Anglisë kërkojnë të emërojnë Zinedine Zidane, i cili ka fituar 3 Champions League radhazi me Real Madrid dhe është larguar në fillim të verës nga kampionët e Europës.
Mirëpo, një tjetër emër për stolin e “djajve” është edhe tekniku i Wolverhampton, Nuno Espirito Santo. Mbetet për t’u parë nëse diçka e tillë do të ndodh, pasi edhe shkarkimi i Jose Mourinhos mund të duket i pabesueshëm, por në “Old Trafford” gjithmonë janë mësuar me trofe dhe suksese, e këtë “thatësirë” nuk mund ta “përtypin” dot.
Loading ...
