Zvonimir Boban ka dhënë dorëheqjen nga detyra e tij si Shefi i Futbollit të UEFA-s. Siç duket tashmë ka nisur një “luftë” e ftohtë në UEFA, pasi akuzon se Alexander Ceferin është shkaku i kësaj dorëheqjeje.
Prej ditësh flitet se kreu i UEFA-s kërkon të ndryshojë Statutin e Institucionit më të lartë të futbollit, në mënyrë që të qëndrojë akoma më gjatë në krye të kësaj Organizate. Ish-mesfushori i Milanit dhe i kombëtares kroate, që mori postin në vitin 2021, kritikoi Ceferin sepse ai do të donte të votonte për një amendament që do t'i lejonte të kandidonte për një mandat të ri, sipas legjislacionit, mandati aktual duhet të jetë i fundit.
Sipas tij, të tjerë zyrtarë të UEFA-s janë gati të marrin të njëjtin hap, pasi nuk ndajnë të njëjtim mendim si Ceferin.
“Me trishtim dhe zemër të thyer, nuk kam asnjë opsion tjetër përveçse të largohem nga UEFA. Megjithëse kam shprehur mosmiratimin tim të plotë, presidenti i UEFA-s beson se nuk ka asnjë pengesë ligjore për ndryshimet që ai propozon, as probleme etike apo morale dhe ai dëshiron të të sjellë planin e tij për të çuar përpara aspiratat e tij personale.
Rregullat janë vendosur që të mbrojnë UEFA-n dhe futbollin europain nga administrimi i keq, që për fat të keq ka qenë “sjellje normale” për shumë vite. Ndryshimi i drejtimit nga Ceferin ishte absolutisht i pakuptueshëm.
Unë jam i ndërgjegjshëm që asgjë nuk është ideale, përfshirë edhe mua dhe me raste kompromiset janë të nevojshme. Megjithatë, mbështetja e këtij ndryshimi do të shkonte kundër të gjithë parimeve dhe vlerave të mia, tek të cilat besoj me gjithë zemër dhe të cilat i mbroj. Nuk po mundohem të bëj rolin e heroit, pasi nuk jam i vetmi që e mendoj kështu”, ka përfunduar Boban.
Lexo gjithashtu
