Pas më shumë se dy vjet e gjysmë, situata vazhdon të jetë mëse negative për shtatë herë kampionin e botës në Formula 1, Michael Schumacher. Gjermani përplasi kokën gjatë skijimit, por që kjo i ka shkaktuar atij gjendje të rëndë shëndetësorë për më shumë se dy vite e gjysmë.
Legjenda e pilotimit rrezikon të mos ngrihet më në këmbë pas aksidentit të pësuar, këtë e ka bërë me dije avokati i familjes Schumacher, Felix Damm.
“Ai nuk mund të ecë, madje ai nuk mund të qëndrojë në këmbë pa ndihmën e terapistëve”, është shprehur Damm në një seancë gjyqësore në Hamburg. Familja Schumacher ka paditur revistën gjermane Bunte, e cila kishte raportuar vitin e kaluar se ish-kampioni i Formula 1 është rikuperuar dhe është duke ecur. Por, këto publikime të revistat i ka mohuar familja Schumacher që tani është duke kërkuar nga revista 40-100 mijë euro për shkeljen e privatësisë.
Lexo gjithashtu
