Real Madrid dhe Manchester City nuk shkuan më shumë se barazimi 1-1 mes tyre në “Bernabeu” në gjysmëfinalen e Champions League. Ky rezultat lë gjithçka të hapur për sfidën e kthimit.
Pep Guardiola pas këtij barazimi do të theksonte se skuadra e tij hasi vështirësi për të krijuar raste, por tashmë e ka të qartë se çfarë duhet të bëjë në aktin e dytë mes tyre në “Etihad Stadium”.
“Presim të përshtatemi pak në ndeshjen e dytë. Unë kam një ide se çfarë duhet të bëjmë. Ne luajtëm me kampionin e Evropës. Ne luajtëm një lojë të mirë, shënuam, nuk ishte e lehtë t’i menaxhonim. Real Madrid luajti ndeshjen e tyre. Kur ne ishim më të mirë, ata shënuan. Kur ata ishin më të mirë, ne shënuam. Ishte një Lojë e ngushtë.
Do të jetë një finale të mërkurën e ardhshme. Distanca mes mbrojtësve të krahut dhe qendërmbrojtësve u zu nga Kroos, Modric, Valverde. Ishin dy mbrojtës qendrorë në Haaland, ishte e vështirë, por ai lëvizi mirë”, përfundoi Guardiola.
Lexo gjithashtu
