Kombëtarja shqiptare humbi 1-2 në Izrael për Ligën e Kombeve. Në ndeshjen e pestë të ligës B, kuqezinjtë e Rejas “i dhuruan” tri pikët kundërshtarëve edhe falë dy gafave të Hysaj dhe Mihaj.
Pjesa e parë është mbyllur e bardhë, me Brojën që kishte dy raste të arta por pa shfrytëzuar. Nisja e së dytës ka parë vendasit të na ndëshkojnë me Ueissman pas vetëm 20 sekondave.
Futja e Uzunit bëri që kuqezinjtë të kishin tjetër rritëm, me beratasin që në të 88 barazoi ndeshjen me një perlë. Dueli u vendos nga gafa e Mihaj në minutat shtesë, me Barido që shënoi për 2-1.
Me vetëm 1 pikë pas tre ndeshjeve, Shqipëria mban vendin e tretë në grup duke larguar ëndrrën për kalimin në play-off. Në krye Izraeli me tetë pikë, ndjekur nga Islanda me tre. Pas tre ditësh në Air Albania luajmë me Islandën në duelin e fundit.
Pas ndeshjes foli Klaus Gjasula.
“Skema dhe vendi në mbrojtje – Trajneri vendosi të luanim me tre sepse po dominoheshim në fundin e pjesës së parë. Duhej të ishim më stabil në linjën e fundit.
Kishim faza të mira, mbajtëm topin dhe patëm hapsira. Duhej dhunë për të bërë golin, pësuam në moment të keq. Vështirë kjo situatë.
Presioni – Një gjë është kjo, duhet të luftojmë çdo ditë. Po nuk e meriton fati nuk vjen, kjo është puna. Izraeli na mori kontrollin për disa minuta, për këtë ndryshuam”, tha Gjasula.
Lexo gjithashtu
