Barcelona do të presë në “Camp Nou” Atletico Madrid për të zhvilluar mes tyre edhe sfidën e javës së 30-të mes tyre. Një përballje mjaft e luftuar mes dy ekipeve që synojnë fitoren. Blaugranat e duan për titullin kampion, ndërsa “Los Colchoneros” për të marrë vendin e dytë në tabelën e klasifikimit.
Kjo sfidë do të startojë në orën 16:15 ditën e nesërme dhe për të folur për këtë takim ka dalë në konferencën për shtyp trajneri Xavi Hernandez.
“Unë kritikohem për gjithçka them. Dielli është bezdisës për ne dhe gjithashtu fusha e thatë nuk na ndihmon në lojën tonë. Nëse në golf fusha nuk është në gjendjen e duhur, atëherë loja nuk zhvillohet. Nuk dua të qëndroj me gojën mbyllur, por do të vazhdoj të insistoj aty ku mendoj se kam të drejtë. Fusha është thelbësore për spektaklin dhe nuk do të ndalem në këtë polemikë”, përfundoi timoneri i katalanasve.
Lexo gjithashtu
