Në përgjithësi është një ide e keqe të pranosh publikisht që dëshiron të luash për një klub tjetër, por duket se kur një lojtar i Ajax flet për Barcelonën, çdo gjë është në rregull. Të dy klubet kanë lidhje të ngushta falë qasjes së tyre historike ndaj lojtarëve të rinj dhe një stili të ngjashëm të të luajturit, kështu që gjigandët spanjollë gjithnjë ishin destinacioni i preferuar për disa nga lojtarët kryesorë të Ajax.
Frenkie de Jong ishte transferimi i fundit nga Ajax te Barcelona, verën e kaluar dhe sipas “ÇMA” Barça po mendon të nënshkruajë me një tjetër lojtar të Ajax. Në radarin e tyre është 19 vjeçari, Sergino Dest, i cili pati një rritje të madhe profesionale me ekipin e Ajax sezonin e kaluar dhe mediat shkruajnë se Barça ka nisur bisedimet për nënshkrimin e tij. Për më tepër, Dest ka folur në të kaluarën për dëshirën e tij për të luajtur për Barcelonën.
Ende nuk është rënë dakord për një marrëveshje, por kjo mund të jetë një nënshkrim emocionues për tifozët.
Loading ...
