Partizani luajti ditën e diel kundër Skënderbeut në kuadër të javës së nëntë të Superiores. Në këtë takim pati një situatë kaotike, teksa tifozët e Partizanit dëmtuan stolat e stadiumit "Elbasan Arena" pas dhunës së ushtruar nga policia. Për këtë, burime për newsport.al bëjnë me dije që 921.000 (nëntëqind e njëzet e një mijë lekë) të reja do të jetë shuma, që ekipi i Partizanit do të paguajë, për dëmet e shkaktuara në tribunën C3, të stadiumit Elbasan Arena. Por duket se kjo shifër është e lartë për FK Partizanin, ç'ka ka bërë që drejtuesit e klubit të dërgojnë ekspertët e tyre në Elbasan, për të bërë verifikimin e dëmeve.
Burime të sigurta nga "Elbasan Arena", për newsport.al thonë se: "Pasi kanë verifikuar dëmet, ekspertët e FK Partizani, kanë pranuar vlerën e përllogaritur nga drejtuesit e stadiumit dhe të FSHF-s." Arsyeja pse drejtuesit e Partizanit, kanë bërë verifikim privat të dëmeve ishte për shkak të mos përputhjes së shifrave të stolave të thyer në tribunën C3, ku sipas policisë rezultonin 120 stola të thyer ndërsa sipas drejtuesve të stadiumit numri i stolave shkonte në 307. Ndërkohë, dëmet ka pasur dhe në tribunën e tifozëve të ekipit të Skënderbeut, të cilët gjatë ndeshjes Partizani-Skënderbeu, ishin të pozicionuar në tribunën G2 të stadiumit.
Lexo gjithashtu
