Dy ndeshjet e ditës së sotme në “Albi Mall Superliga e Kosovës” janë mbyllur, ku Drita triumfon ndaj Drenicës, ndërsa përballja tjetër mes Ferizajt dhe Dukagjinit ka përfunduar me rrjeta të paprekura.
Në transfertë “Intelektualët” kanë triumfuar me shifrat 3-1 ndaj Drenicës, duke bërë që të mbyllin këtë vit me 38 pikë në pozitën e parë, por momentalisht kanë katër ndeshje më shumë se Ballkani i vendit të dytë, që ka 30 pikë. Kuqezinjtë në anën tjetër kanë 20 pikë në pozitën e gjashtë.
Në duelin tjetër, Ferizaj dhe Dukagjini kanë ndarë pikët në barazimin pa gola, 0-0. Ferizaj e mbyll në vendin e fundit me vetëm 13 pikë pas 18 ndeshjeve, teksa Dukagjini gjendet në vendin e pestë me 22 pikë.
Poll
Lexo gjithashtu
