Enkeleid Dobi ka folur pas fitores 2-0 kundër Erzenit. Trajneri i Kukësit foli për mikrofonin e Oversport ku u shpreh:
“Janë shumë të rëndësishme pikët. Në një moment vuajtëm dhe na vendosën në presion. Ka mënyrën dhe stilin e vet. Ia dolëm. E mbajtëm presionin. Goli i dytë na dha më shumë qetësi. Mund të dalim në kundërsulm akoma më mirë. Kemi një finalizim deri në minutën e fundit. Erzeni i ka fituar në fushë pikët. Në disa momente na vuri në vështirës. Ekipi e menaxhoi si duhet lojën.
Strategjia? Punojmë në mënyra të ndryshme që loja e tregon. Vetë ekipi e ndjen situatën. Duihet të jemi kompakt. Mos të kemi shumë hapësira. Kishim më tepër mënyra. Kemi punuar. Jo gjitha gjërat që punojmë, do dalin. Ka mënyrën e vet të të luajturit. Këtu nuk ka humbur pikë. Mendoj se e menaxhuam si duhet lojën.
Ku çaloi Kukësi? I morëm shumë shpejt kartonët e verdhë. Një e dhjeta e sekondës ndryshon. Ne duhet të fokusohemi te loja jonë. Duhet të jemi agresivë.
Rikthimi? Nuk mund të them që është akoma skuadra e Dobit. Është akoma skuadra e Kukësit. Ta vajisim mirë dhe ta ujisim mirë që ky mekanizëm i përbashkët të fokusojë. I kemi thënë çunave ndeshje pas ndeshje. Janë pretendimet e skuadrës që të arrijë aty ku i takon.
Egnatia? Probleme kemi çdo ditë, duhet t’i zgjidhim. Kur vjen një trajner i ri, skuadra ndryshon. Ne e kemi mendjen te loja jonë, te puna jonë. Ne mundohemi të bëjmë çfarë dijmë më mirë. Ne futemi mbi të gjitha te automatizmi.
Titulli kampion? Unë nuk e kam frikë ta përmend titullin. Duhet ta kontrollojmë. Duhet të jemi me këmbë në tokë. S’mund të flasim kot se fituam 3 ndeshje. Sot bëmë kilometrin e tretë”, tha ai.
Lexo gjithashtu
