Hapësire reklamuese

Çështjet kryesore

BOTA

“Do të luajmë në sulm”, Xavi: Porton e respektoj, por unë jam një trajner trim

Shkruar nga NEWSPORT
“Do të luajmë në sulm”, Xavi: Porton e respektoj, por

Barcelona në mbrëmje do të duelojë me Portën në Champions League, takim që do të luhet në “Estadio do Dragao” në orën 21:00. Përballë do të vihen dy ekipet që kanë marrë fitore në sfidat e kaluara dhe dueli mes tyre do të vendosë edhe për skuadrën lider të grupit H.

Xavi Hernandez ka analizuar këtë përballje, teksa në konferencën për shtyp ka theksuar se skuadra e tij do të luajë në sulm dhe se kërkon vetëm fitoren mbrëmjen e sotme.

 “Porto është një skuadër historike dhe unë e respektoj shumë. Janë të fortë dhe shumë të shpejtë në kundërsulm, ne jemi të përgatitur. Unë e konsideroj veten një trajner që aplikon një futboll ofensiv, mund të them se jam trim dhe guximtar.

Nuk dua ta ndryshoj këtë, por duhet të jemi edhe të balancuar në fushë. Jam i lumtur dhe i motivuar, shoh shkëndijë te lojtarët, kërkojnë të bëjnë gjëra të mëdha. Nuk kemi frikë të luajmë futboll, jemi në moment të mirë, duam të fitojmë dhe të marrim tre pikët.

A do të më pëlqente që të luaja edhe unë një ndeshje të tillë? Sigurisht, të gjithë duan të luajnë në një skenë të tillë, bëhet fjalë për Champions League”, ka theksuar timonieri i kampionëve të La Liga.

Poll

Lexo gjithashtu

Superiore - Ndeshjet

Kategoria Superiore

Itali - Serie A

Spanjë - La Liga

Angli - Premier League

Gjermani - Bundesliga