Arda Guler kompletoi transferimin te Real Madrid gjatë merkatos së verës. Fatkeqësisht lojtari nuk ia doli dot të debutojë me “Los Blancos” për shkak të një dëmtimi që mori në stërvitje.
Tashmë prej disa muajsh 18-vjeçari vazhdon rikuperimin dhe drejtuesit besojnë shumë te aftësitë e tij. Ka qenë vetë Carlo Ancelotti ka zbuluar edhe gjendjen e lojtarit, me Guler që duket shumë afër rikthimit në fushën e lojës.
“Arda Guler është rikthyer në stërvitje dhe po i afrohet nivelit të tij më të mirë. Por, nuk kam ndërmend ta përshpejtoj rikthimin e tij në fushë, ai do të ketë të gjithë kohën në dispozicion për të luajtur shumë ndeshje me Realin e Madridit.
Nëse e shoh të arsyeshme dhe nëse mundem, atëherë mund t’i dhuroj Guler disa minuta në ndeshjen me Mallorcan. Ne të gjithë vazhdojmë të mendojmë se potenciali i tij është i jashtëzakonshëm”, ka theksuar italiani.
Lexo gjithashtu
