Lucas Paqueta është duke u hetuar nga Federata e Futbollit për shkelje të mundshme të basteve.
Paqueta ishte lidhur me një transferim prej 90 milionë euro te Manchester City, por ky transferim ka dështuar për shkak të akuzave. Sipas Daily Mail, Federata aktualisht po shqyrton aktivitetin e basteve të brazilianit.
Megjithëse nuk janë bërë të ditura specifikat e hetimit, mësohet se shkeljet e dyshuara kanë të bëjnë me lojërat e fatit në futboll. Lajmi do të shqetësojë West Ham-in pasi sulmuesi i Brentfordit, Ivan Toney u ndëshkua me një pezullim tetë muajsh pasi pranoi mbi 200 shkelje të rregulloreve të basteve të FA.
City e konsideronte mesfushorin si një zëvendësues për Kevin De Bruyne, i cili do të humbasë një pjesë të konsiderueshme të sezonit pas dëmtimit të pësuar. City tani mendohet se po shqyrton nënshkrimin e Eberechi Eze nga Crystal Palace.
Paqueta e filloi ndeshjen hapëse të sezonit të West Ham kundër Bournemouth fundjavën e kaluar, por mbetet për t'u parë nëse ai do të paraqitet kur ata të përballen me Chelsean në stadiumin e Londrës të dielën.
Lexo gjithashtu
