Dështoi katër herë për të fituar titullin, Ferrari me dorë të “hekurt” përballë drejtorit

“Scuderia Ferrarri” përmes një komunikate zyrtare ka bërë të ditur se ka larguar nga detyra drejtorin e skuadrës, Maurizio Arrivabene.

Menaxheri më i lartë i kompanisë ka bërë të ditur se vendin e tij do ta zërë Mattia Binotto, i cili që nga viti 2016 ishte udhëheqës i Departamentit Teknik.

“Pas katër vitesh përkushtimi të palodhur, Maurizio Arrivabene po largohet nga skuadra. Vendimi është marrë së bashku me menaxhimin e lartë të kompanisë pas diskutimeve të gjata në lidhje me interesat personale afatgjata të Maurizio si dhe ato të vetë ekipit. Ferrari dëshiron të falënderojë Maurizio për kontributin e tij të vlefshëm në rritjen e konkurrencës së ekipit gjatë viteve të fundit, dhe i uron atij më të mirën për përpjekjet e tij të ardhshme”,- ka thënë menaxheri i Ferrarit.