Franca mposhti Anglinë në çerekfinalen e Kupës së Botës duke siguruar kështu edhe biletën e fundit për në gjysmëfinale, aty ku e priste Maroku, me këtë të fundit që dërgoi në shtëpi Cristiano Ronaldon.
Pas triumfit 2-1 ndaj “Tre Luanëve”, Didier Deschamps ishte i lumtur pasi skuadra e tij vazhdon rrugëtimin edhe pse e nisi këtë botëror me plot mungesa të rëndësishme.
“Vërtet u përballëm me një Angli të shkëlqyer për atë që ata janë të aftë të bëjnë, atletikisht dhe teknikisht. Por ne u përgjigjëm. Është e mrekullueshme të jesh ende në gjendje të arrish në gjysmëfinale dhe sonte duam ta shijojmë. Ka shumë cilësi në këtë ekip, por ka edhe një mentalitet shumë të fortë”, ka theksuar timonieri i "Gjelave"
Për kundërshtarin e radhës, Deschamps tregon respekt maksimal.“Maroku meriton gjithë respektin tonë. Ndoshta nuk ishin pjesë e skuadrave që prisnim deri tani, por do t’i marrim shumë seriozisht”.
Lexo gjithashtu
