Komisioni i Disiplinës ka marrë sot vendimin për të dënuar Partizanin me 4 ndeshje pa spekatorë për ngjarjet e ndodhura në stadiumin "Zeqir Ymeri" në sfidën kundër Kukësit që përfundoi 0-0.
Tifozët e Partizanit u përleshën me policinë dhe thyen stolat e stadiumit të Kukësit, ndërsa pretendimet e tyre konsistonin në faktin se ishin goditur me gurë pas shpine nga jashtë stadiumit prej tifozëve verilindorë.
Klubi i Partizanit postoi në faqen zyrtare në Facebook edhe një video teksa shiheshin gurët që vinin nga jashtë stadiumit "Zeqir Ymeri" në drejtim të tifozëve të Partizanit duke ruajtur linjën e pretendimeve të fansave të kuq që ishin goditur pas shpine.
Por, klubi i Kukësit akuzoi se kjo video ishte e montuar dhe se tifozët e Partizanit nuk ishin goditur në asnjë moment nga tifozët verilindorë.
E me sa duket, duke iu referuar vendimit të Disiplinës për të dënuar Partizanin me 4 ndeshje pa spektatorë, ky komision i ka dhënë të drejtë pretendimeve të klubit të Kukësit dhe jo Partizanit, duke e konsideruar, rrjedhimisht videon e postuar nga klubi i kuq si video-montazh.
Lexo gjithashtu
