Redon Ismaili bëri dje debutimin e tij, duke zëvendësuar Maguette në ndeshjen që Partizani fitoi 1 me 0 kundër Teutës. Ishte minuta e 76’ e takimit, kur mesfushori nga Gjilani u fut në fushë.
“I lumtur me debutimin te klubi im i ri Partizani si dhe me fitoren. PMTP”, shkruan Redon Ismaili në rrjetet sociale. Një tjetër debutim ishte dje ai i Xhuliano Skukës. Dhe ai erdhi nga zëvendësimi duke i marrë vendin Rrapajt.
Kujtojmë se pas 19 javëve Partizani ndodhet në vendin e dytë me 5 pikë më pak se Egnatia kryesuese. Ndeshjen e radhës e luajnë kundër Laçit më 20 nëntor në stadiumin “Arena e Demave”.
[caption id="attachment_719260" align="alignnone" width="675"] Redon Ismaili[/caption]
Poll