Sulmuesi i Shkëndijës së Tetovës, Dashmir Elezi është gati për aventurën e re në karrierën e tij futbollistike, ndërsa ka kaluar te skuadra e Torpedo Kutaisin në Gjerogji për shumën e 100 mijë eurove, me ekipin kuqezi që ka mbajtur edhe 15% të kartonit të tij në rast shitje.
Nëpërmjet nje postimi në rrjetet sociale, sulmuesi 18-vjeçarë ka falenderuar Shkëndijën për mundësinë e dhënë, ndërsa këtë arritje ua dedikon babait dhe gjyshit të tij që kanë ndërruar jetë në harkun kohorë të 1 muaji.
“Dëshira ime e madhe që unë të bëj një hap përpara në karrierën time po realizohet falë vullnetit të mirë të klubit ku unë u rrita dhe për këtë përgjithmonë do jem mirënjohës.
Fatkeqësisht, në këtë moment nuk kam pranë dy personat që aq shumë u angazhuan që unë të kem sukses si futbollist. Humbja fillimisht e babait, tani edhe gjyshit ishin goditje të mëdha për mua dhe familjen, por me këtë hap mendoj se e çoj në vend edhe amanetin e tyre.
Shpresoj me ndihmën e Zotit t’ju bëj krenar juve dhe familjen time. Me këtë rast dua të shpreh falemenderime e mirënjohje pafund për gjithë ata me të cilët kam punuar gjatë kësaj periudhe, trajnerët, bashkëlojtarët, ekipin mjekësor, administrata e klubit, kryesi e presidentë, në krye me sponsorin e klubit dhe familjen Destani.
Falënderim i pafund për tifozët e Shkëndijës, “Ballistët” që më japin forcë në çdo moment. Faleminderit të gjithëve. Faleminderit Shkëndijë!”, ka shkruar Dashmir Elezi.
Lexo gjithashtu
