Danimarka pret sonte në Kopenhagen Irlandën në kuadër të ndeshjes së parë për play off të Botërorit Rusi 2018. Danezët dukshëm favoritë në këtë ndeshje, do kërkojnë një rezultat pozitiv për të shkuar më të qetë në Irlandë në takimin e kthimit.
Lojtarë si Kjaer, Kvist, Poulsen apo edhe superylli i përfaqësueses Eriksen mund të bëjnë më të lehtë rrugën e fitores së skandinavëve në këtë ndeshje. Danimarka për herë të fundit ka marrë pjesë në një Botëror në vitin 2010, ku kompeticioni zhvillohej në Afrikën e Jugut.
Nga ana e vet Irlanda e drejtuar nga një mjeshtër si Martin O'Neal nuk vjen inferiore në këtë takim. Ishullorët do kërkojnë të japin më të mirën e tyre për të marrë pjesë në një Botëror ku mungojnë që nga viti 2002. Me lojtarë që aktivizohen të gjithë në Angli si O'Shea, Brady, McGeady apo edhe Long ata mund ti bëjnë "keq" danezëve dhe të shpresojnë për kualifikimin. Një ndeshje për tu shjiuar nga të gjithë futbolldashësit anë e mbanë Botës.
Lexo gjithashtu
