Real Madrid është kampion i Europës për herë të 15-të në histori. Madrilenët triumfuan 2-0 në finalen e UEFA Champions League 2024 përballë Borussia Dortmund, në supersfidën e zhvilluar në stadiumin “Wembley” të Londrës.
Pas kësaj sfide ka folur autori i golit të parë për “Los Blancos”, Dani Carvajal. Mbrojtësi spanjoll tregohet i sinqertë, duke u shprehur që me lojën e bërë në pjesën e parë, ekipi i tij nuk meritonte as barazimin.
“Në pjesën e parë ne nuk merituam as barazimin, por ky është futbolli. Jemi shumë, shumë të lumtur. Këtë vit kam shkuar përpara në goditjet nga këndi dhe sçi i them gjithmonë familjes sime, vendosmëria është çelësi në familjen time. Humba rastin e parë dhe duhet të bëja të dytin”, është shprehur mbrojtësi spanjoll Dani Carvajal.
