Ekuadori është me një këmbë jashtë Botërorit Katar 2022. Gjithçka vjen pasi federata e futbollit në këtë shtet ka falsifikuar dokumetacionin e Bryon Castillos, futbollistit që luajti për tetë duele në eleminatoret e këtij kompeticioni.
Zbulimi i ri vjen vetëm 2 ditë para se Apeli i FIFA të japë vendimin për këtë çështje. Lojtari duket se ka lindur në 1995 dhe jo në 1998 siç është shkruar në dokumentet e federatës.
Veç kësaj, ende nuk dihet me saktësi vendlindja e tij, në Ekuador apo përtej kufirit me Kolumbinë. “Sportsmail” zotëron një regjistrim audio të një interviste që Castillo u dha hetuesve katër vite më parë, teksa deklaronte qartësisht se ka lindur në vitin 1995 dhe jo në 1998, siç shkruhet në certifikatën e tij të lindjes ekuadoriane.
Në dokumente duket edhe vendlindja e tij në Kolumbi dhe jo në Ekuador, siç pretendon federata e Ekuadorit. Nëse të enjte FIFA konfirmon këtë gjë, “lufta” e madhe do jetë se cili ekip do marrë pjesë në Kupën e Botës, pasi një shkelje e tillë do bëjë që Ekuadori mos marrë pjesë në Katar 2022.
Lexo gjithashtu
