Ballkani ditën e nesërme do të duelojë me Astanën, sfidë e vlefshme për Conference league. Skuadra e drejtuar nga Ilir Daja do të tentojë të bëjë surprizën ndaj kundërshtarëve, me sfidën që do të startojë në orën 16:30.
Për të analizuar ëktë takim në konferencën për shtyp foli trajneri i kampionëve të Kosovës. Daja shprehet i bindur se të tijtë do të luajnë vetëm për fitoren pavarësisht se përballë kanë një kundërshtarë të fortë si Astana.
“Astana ka më shumë eksperiencë në kompeticionet Europiane, ka qenë në grupet e Championsit, ka qenë në Europa League, ne jemi për herë të dytë në grupet e Conference League. Në transfertë e kemi më të vështirë, Astana ka edhe mbështetjen e publikut. Ne presim ndeshje të vështirë nesër, por që nuk kemi ardhur të dorëzuar, përtej vështirësive ne do luajmë për gjithçka, do kërkojmë maksimumin.
Nuk është problem fusha artificiale, edhe ne luajmë me fushë artificiale në Kosovë. Ne duam të jemi fitues, por që është ndeshje e vështirë, sepse Astana ka ekip kogja të mirë. Unë i përgatis lojtarët e mi që ta fitojmë ndeshjen”, ka deklaruar Daja.
Lexo gjithashtu
