Cristiano Ronaldo kaloi te Al Nassr në Arabinë Saudite, ku firmosi një kontratë për 2 vite e gjysëm dhe ku do të përfitonte plot 200 milionë euro. Po përveç kësaj u përfol se në kontratë ka dhe një detaj tjetër, për të cilin thuhej se portugezi do të ishte dhe ambassador i Arabisë Saudite për të organizuar Kupën e Botës. Në lidhje me këto zëra ka reaguar edhe skuadra e Al Nassr që ka sqaruar të gjithë të vërtetën në lidhje me kontratën e firmosur nga CR7-ta dhe klubi theksoi se nuk ka lidhje me asgjë tjetër përveç se arritjeve të ekipit, duke mohuar kështu çdo gjë nga sauditët. “Al Nassr FC dëshiron të sqarojë se ndryshe nga raportet e lajmeve, kontrata e Cristiano Ronaldos me Al Nassr nuk përfshin angazhime për asnjë ofertë për Kupën e Botës. Fokusi i tij kryesor është te Al Nassr dhe të punojë me shokët e tij për të ndihmuar klubin të arrijë sukses”, thuhej në reagimin e tyre.

Al Nassr FC would like to clarify that contrary to news reports, Cristiano Ronaldo's contract with Al Nassr does not entail commitments to any World Cup bids. His main focus is on Al Nassr and to work with his teammates to help the club achieve success.

— AlNassr FC (@AlNassrFC_EN) January 10, 2023