Rudi Garcia mund të largohet nga Napoli. Aventura e francezit te skuadra napolitane nuk ka nisur siç duhet dhe tashmë stoli i tij ka nisur të “lëkundet”. Në mediat italiane ditën e djeshme u raportua se drejtuesit e kampionëve të Serie A kanë gati zëvendësuesin e tij.
Antionio Conte është i papunë që pas largimit nga Tottenham dhe shihet si emri i duhur për të marrë në dorë frenat e Napolit në rast të largimit të Garcias. Në lidhje me këto zëra ka reaguar vetë italiani, i cili ka theksuar se asnjëherë si dihet, duke lënë kështu gjithçka të hapur për një rikthim në Serie A.
“A do të më shihni shpejt në Serie A? Nuk e di, për momentin mendoj të shijoj edhe pak kohën e lirë me familjen. Bëra një zgjedhje të mirëmenduar kur u largova nga Tottenham, e gjitha lidhej me dëshirën për të qëndruar pranë familjes. Por, sigurisht gjatë rrugës shumë gjëra mund të ndodhin, edhe pse tani dua ta shijoj atmosferën familjare.
Napoli? Duhet të tregojmë gjithmonë respekt dhe edukatë, nuk mund të flas më shumë”, u shpreh Conte.
Lexo gjithashtu
