Premier League çeli siparin e saj që pas pauzës së Botërorit ditën e djeshme. Sfida e parë që nisi zyrtarisht javën e 17-të, ishte ajo mes Brentford dhe Tottenham, e cila u mbyll me shifrat 2-2.
Antonio Conte është shumë i zhgënjyer nga performanca e të tijëve, pasi në fundin e ndeshjes bëri një deklaratë të bujshme ndaj lojtarëve. Harry Kane ishte i vetmi që mori lëvdata nga trajneri i tij. Contes nuk i kishte ndodhur kurrë në karrierën e tij që në 9 sfida radhazi të pësonte golin e parë.
Tottenham aktualisht ndodhet në vendin e katërt dhe në sfidën e radhës do të ndeshet me Aston Villan. Lufta për një vend në Champions sa vjen e vështirësohet pasi Neëcastle po tregon një dominim marramëndës.
Deklarata:
"Nga njëra anë jam i lumtur pasi kemi treguar karakter të madh, dëshirë dhe një reagim fantastik. Ne dëshirojmë të qëndrojmë në një pozicion të mirë në tabelë dhe duhet të reflektojmë, të përpiqemi të gjejmë zgjidhje. Për mua kjo është hera e parë që ndodh, të pësoj golin e parë në një sfidë nëntë herë radhazi. Kjo nuk është pozitive.
Kane kishte një program për të ndjekur pas Kupës së Botës dhe ai ishte mirë. Kane e di rëndësinë e tij për ne, personalitetin e tij, karakterin e tij. Ai është një lojtarë i rëndësishëm për ne dhe jam i lumtur që shënoi.”
Lexo gjithashtu
