
Janë mbyllur 4 ndeshjet e fundit të vlefshme për fazën e 1/8-ve të Conference League. Sfida mjaft të bukura dhe interesante, në të cilat janë shënuar 16 gola.
Sfida mes Maccabi Tel Aviv dhe Olympiacos ka përfunduar me fitoren 1-6 të grekëve, të cilët përmbysin humbjen në ndeshjen e parë 4-1. Olympiacos shkon kështu në çerekfinale pas një sfide që u vendos pas 120 minutave lojë.
Në ndeshjet e tjera, Aston Villa ka shpartalluar 4-0 Ajax-in e Amsterdamit. Anglezët ishin të papërmbajshtëm duke i dhënë leksione skuadrës holandeze. Në ndeshjet e tjera Lille barazoi 1-1 përballë Sturm Graz, por francezët kualifikohen për më tej falë fitores 4-1 në ndeshjen e parë.
Ndërsa Club Brugge ka përmbysur ndeshjen e parë të humbur 1-2 përballë Moldes. Belgët fituan të kthimit me rezultatin 3-0, duke kapur kështu fazën e çerekfinaleve.