Partizani do e luajë ndeshjen e parë ndaj Marsaxlokk më 11 korrik në Tiranë dhe jo Maltë siç ishte programuar fillimisht. Shkak për këtë është bërë stadiumi “Air Albania” ku dhe Tirana do luajë ndeshjet si pritës. Të dyja klubet do të luanin në të njëjtën datë dhe njërës do i duhej të hiqte dorë prej stadiumit "Air Albania".
“Klubi njofton ndryshimin e axhendës së përballjes së parë të vlefshme për raundin e parë të Uefa Europa Conference League. Nëpërmjet një njoftimi zyrtar UEFA ka përcaktuar se ndeshja e parë në program datë 11 Korrik do të luhet në Tiranë. Përballja Partizani - Marsaxlokk do të luhet në stadiumin "Air Albania" ora 20:00. Ndeshja e kthimit do të luhet në Maltë në datë 18 Korrik”, shkruhet në njoftimin e klubit.
Zhvillimi i ndeshjes së kthimit në transfertë ku vendoset dhe kualifikimi mund të shihet si një disfavor i vogël. Gjithsesi duhet marrë parasysh se Partizani luan me një kundërshtar të kalueshëm në letër.
Tirana ndërkohë do vazhdojë me të njëjtën axhendë. Ndeshja ndaj Torpedo Kutaisi do të luhet më 18 korrik në “Air Albania”.
Lexo gjithashtu
