Asambleja e Përgjithshme Zgjedhore e Federatës Shqiptare të Futbollit rikonfirmoi sot besimin e plotë ndaj drejtimit aktual duke zgjedhur Armand Dukën President për një mandat të ri katërvjeçar.
Kështu, tregohet qartë puna e bërë dhe përkushtimi që presidenti Duka ka pasur për zhvillimin e futbollit në vendin tonë.
Të shumtë kanë qenë ata që e kanë uruar kreun e FSHF-së për mandatin e 7-të. Një ndër urimet më të veçanta është ai i Kryetarit të Grupit Parlamentar të PS-së, Taulant Balla.
Me anë të një postimi në rrjetet sociale, Balla ka uruar Dukën për rizgjedhjen si president i FSHF-së. Ndër të tjera, politikani socialist thekson besimin që ka, nga kualifikimi i Kombëtares në Botërorin 2026 e deri tek investimet për fusha të reja futbolli.
POSTIMI:
Urime Presidentit të FSHF, njëkohësisht Zëvendës President i UEFA, Armand Duka për rizgjedhjen. Besoj shumë se ky katër vjeçar do të mbajë brenda vetes kualifikim në Kupën e Botës, rikthim për herë të tretë në Kupën e Europës, Super Kupën e Europës për klube, Kampionatin Europian U-21, më shumë fusha futbolli, më shumë mbështetje për ekipet e moshave dhe kampionatet shqiptare.
Lexo gjithashtu
