Nëse shikon golin e fundit që shënoi ndaj Partizanit në kampionatin shqiptar për grupmoshën 19-vjeç, e imagjinon qartë të ardhmen e futbollistit të Akademisë "Albanian Ajax School", njëra prej disa ekipeve që rrit dhe promovon lojtarët e qytetit të Shkodrës. 18-vjeçari Mehdi Çoba është krenar origjinën e tij, familjen e tij, ndaj të cilës ai i shpreh mirënjohjen dhe dashurinë për sakrificën që ka bërë për ëndrrën e ti: të qenit një lojtar profesionist.
Në një intervistë për Newsport, djaloshi Çoba tregohet i qetë dhe fjalëpakë, por i kujdesshëm për çfarë synon të përmbushë në karrierën e tij futbollistike. Ai dëshiron që çdo hap ta hedhë me kujdes derisa të arrijë rezultatet më të mira të karrierës së tij.
-Më trego pak si ke nisur të luash futboll? Kush të ka motivuar dhe të ka shtyrë të bëheshe futbollist?
Futbollin e fillova në moshën 12 vjeç. Më ka motivuar dëshira dhe vullneti për të arritur suksesin ne futboll.
-Për golin që shënove. Shënjestrove portën direkt apo e nise topin për krosim?
Golin ndaj Partizanit e godita direkt në portë.
-Në çfarë pozicioni luan, sulmues krahu, qendërsulmues apo mesfushor?
Unë luaj sulmues krahu.
-Merresh vetëm me futboll apo ndjek edhe shkollën?
E ushtroj futbollin dhe e ndjek edhe shkollën.
-Kush është trajnerit yt? Si ju stërvit? Çfarë kërkon më tepër nga ju?
Trajneri im është Malvin Meçarovi. Ai bën stërvitje të bollshme pa asnjë mangësi . Kërkon që të jap më te mirën në çdo ndeshje.
-Ka rivalitet në kampionatin tuaj? Kë ke kundershtarin më të fortë? Luhet ashpër apo ka futboll të bukur?
Ka rivalitet. Kundërshtari më i fortë është ai që luan më mirë në fushë. Ka futboll të bukur, por luhet edhe ashpër.
-E ke synim që një ditë të luash per Vllazninë?
Më është ofruar shumë herë si mundësi, por për momentin dua të jem këtu ku jam.
-Ke patur oferta nga ekipet e tjera shqiptar apo je i përqëndruar të stërvitja dhe rritja jote si lojtar profesionist?
Siç e thashë dhe më sipër, dua të stërvitem mirë që të arrij rrezultate te larta.
-Kë ke si idhull në futboll? Shqiptar apo të huaj?
Idhulli im nga lojtarët e huaj është Cristiano Ronaldo.
-Çfarë synon të fitosh në karrierën, çfarë do të arrish?
Atë që ka arritur çdo futbollist nga fillimi i tyre deri në ditët e sotme.
-Po në futbollin shqiptar me kë je tifoz? Po me skuadra dhe kombëtare të huaja?
Në Shqipëri bëj tifo për Vllazninë. Me ekipet e huaja jam me Real Madridin. Ndërsa me kombëtare mbështes Gjermaninë
-Kujt ia dedikon arritjet në futboll?
Ia dedikoj familjes sime, mbiemrit Çoba, në veçanti gjyshit tim të ndjerë Ruzhdi Çobës./Dario Velaj/.
Lexo gjithashtu
Po shkëlqen me Partizanin, sulmuesi shkodran pret shansin e tij
“Step by Step”, trajneri Tedesco ndjek nga afër talentët kuqezi
Euro U-17 për vajza/ Shqipëria nis grumbullimin, fton 19 futbolliste
