Këtë fundjavë do të zhvillohet gara e Çmimit të Madh të Japonisë në Formula 1, teksa piloti i Ferrari-t, Sebastian Vettel, është penalizuar me tre pozicione. Ky është vendimi i komisarëve të pistës pas incidentit në kthesën e parë të pistës së Sepangut mes Sebastian Vettel dhe Max Verstappen.
“U nisa mirë dhe më pas u gjenda përkrah Verstapen. Të dy po luftonim me njëri-tjetrin, kur në kthesën e parë Niko preu nga brenda. Isha me shpejtësi dhe në atë pikë, i shtyrë edhe nga Verstapen, nuk munda të frenoja. Bëra gjithcka për të shmangur përplasjen, por ishte e pa mundur ta evitoja aksidentin. Ishte një fatkeqësi sepse shkatërrova garën time dhe atë të Rosberg. Dua t’i kërkoj falje, sepse aksidenti nuk ka të bëjë me pozicionin e tij”, tha gjermani Vettel.
Lexo gjithashtu
