Chelsea i Armando Brojës mori një tjetër rezultat negativ në Premier League. Skuadra londineze u mposht me rezultatin 0-1 nga Aston Villa. Mauricio Pochettino, trajneri i Chelsea-t foli në konferencë për shtyp pas humbjes që ekipi i tij mori.
“Në pjesën e parë meritonim më shumë. Në të dytën filluam të sulmonim, por pas kartonit të kuq loja ndryshoi. Nuk e di nëse Malo Gusto e meritonte kartonin, por duhet t’i besojmë arbitrit dhe VAR-it. Duhet të rritemi si ekip, jo vetëm individualisht. Futbolli ka të bëjë me fitoren, por lojtarët e ri duhet të mësojnë. Pronarët? Sigurisht që janë të zhgënjyer, por në të njejtën kohë duhet të mbështesin planin”, është shprehur trajneri i londinezëve.
Kujtojmë që “Blutë e Londrës” pas 6 javëve të para të kampionatit anglez, ndodhen në vendin e 14-të të klasifikimit me vetëm 5 pikë.
Lexo gjithashtu
